Ar ngut ki chynrang na Assam, kiwa em hei rta 33 snem da yap ngam-um ki ha i thaw wa em ka kchaaid Ganapati, kawa man ka thaw baamdoh wa em ha khappood Meghalaya–Assam ka thaaiñ Rani Bari ka Jirang hapoh Ri-Bhoi District wei kini da wan ki cha kani ka thaw yow lehkmen Dol Utsav.
Ini da jia i ynnin heipor 4:00 waje i janmiet.
Ya ki ar ngut da tip kam u Joy Rani Wary wa u Bivar Boro kiwa sah ha Kharghuli, Guwahati, Assam wei da lai baamdoh ki wa le ngut kiwi ki lok.
Chwa wow yimpa ki, ki le ngut da khang ki neibhah ki ar ngut ymtip ki wow yimpa tangwa ym ngait ki wei da lai bait ki hadooh wa ngam-um ki.
Mar ya yoo yeiwa jia, ki le ngut da pyrchang ki wow yarap tangwa ymye ki wei hadien da wan ki tre chnong wei da ye u sai ya iwi i metyap katwa iwi won da ye u sai da ki National Disaster Response Force (NDRF).
Ya ki metyap da e kti cha ki pulit ka Ri-Bhoi Police wei da kit ya ki cha Civil Hospital Nongpoh wow leh ya ka Post-Mortem.
Discussion about this post