Yap ngam-um ki le ngut kiwa puræ NIT ha kawi ka kchaaid 

Ynne ka sngi ki pulit da ye ki wow sai ya ki metyap ki le ngut ki khynnah ka National Institute of Technology (NIT) Silchar kiwa da ngam ha ka kchaaid ha Dima Hasao District ka Assam.

Kini ki le ngut kynthup ki ya u Sarva Kritika (20), u Sauhard Rai (20) wa ka Radhika Kumari (19).

Neiliang ki pulit da ong ki wa u Kritika wa u Rai toh kiwa na Uttar Pradesh katwa ka Radhika toh kawa na Bihar.

Kini ki le ngut da laike ki cha kani ka kchaaid wa em hajan ka chnong Harangajao ynnin i step heiwa da chem yei metyap uwi u khynnah ynnin katwa ki ar ngut won da chem ynne ka sngi.

Related posts

Yap ki ar ngut hadien wa iñ ka kari wa noh chapoh synrang

April 30, 2026

Pynbna ka JHADC ya ka thup wa ar ki kur ki jait wa da yoh yei tipmit wa kynthup ya ki Biate wa kiwi de

April 30, 2026

U Additional Superintendent of Police (ASP) ka Dima Hasao, u Farukh Ahmed da ong u wa da pyntip cha ki pulit yeiwa jia hajan ka chnong Harangajao ynnin heiwa da phah ya ki pulit ka State Disaster Response Force (SDRF) wow lai cha ini i thaw.

Neiliang u Director ka NIT Silchar, u Professor Dilip Kumar Baidya, da pyntikna u wa kini ki le ngut toh kiwa lai First Year wei da mih ki khlem bood ya ki kyndon wa da booh wow pyntip cha ki bor chwa wow mih ki na Campus.