Yap ngam um u manpa, lait im u khon wa dang 10 snem wa 4 ngut kiwi ha Umiam

Uwi u bru wa tip pyrtuid kam u Mahamsing Sten uwa em 39 snem i rta da dooh u yei mynsien hadien wa ka lieñ kawa chong da kylla ko ynnin ka sngi ha wah Umiam.

Ini da jia i heipor kamwa 2:00 waje i sngi, heiwa uni u bru deilang wa 5 ngut kiwi da thmu ki wow lai cha chiliang ka wah yow lai baam doh. Uni u bru toh uwa na ka chnong Klewkyrdem kawa haap hapoh ka Ri-Bhoi District.

Da khana wa uni u bru da haap u napoh ka lieñ wa chong ki hadien wa kylla wei ngam syndet ko wei na ki 6 ngut wa em ha kani ka lieñ, 5 ngut da lait im ki wa kynthup ya uwi u khon uni u bru wa ngam um uwa 10 snem i rta.

Yei metyap uni u bru da ye wow sai ynne i step deiwa yarap kiwa chong chnong wa ki pulit SDRF heiwa da e kti cha ki pulit ka Umiam Police Station yow pyndep yeiwa emkaam chwa wow e kti cah kiwa ha-yung ha-sem.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Hawa yaklam wa ki laad pathai khubor, neliang ki bru wa yarap wow sai yei metayp, da khana ki wa da pynlait im ki ya kini kiwa ngam ynnin ka sngi tangwa ya uni ym yoo de ki oo neidaw wa da ngam u chapoh.

Kiwa chong chnong da khana ki wa da yarap ki wow thooh yei metyap nadooh ynnin ka sngi tangwa neidaw wa joor palat ka la’ær da hap wow sangeh noh u thooh.

Da pyntip leh wa i ngam yong ka lien wa chong ki ye u man neidaw wa khia palat weiwa joor ka la’ær ynnin ka sngi.