Uwi u bru na Nepal wa tip kam u Bipin Joshi (24 snem) uwa lai puræ ha Nepal wei uwa da chah rah ha ki Hamas heipor wa hiar thma ki ya ka Israel ha ka 7 tarik u Naichiphaw 2023, ym em mih pyrtuid u ha ka thup ki pyrtuid bru wa pynmih da ka Hamas ynnin ka sngi kiwa dang im ki wow pynlait noh ki.
U Bipin da em u ha kti ki Hamas la ar snem.
Ynne i step da em 20 ngut kiwa da cah rahbor ha ki Hamas wa da chah pynlait hadien i klam pynbait hapyrdi ki ar liang da ka USA.
U Bipin em u ha Israel kam u khynnah lyngba ka Learn and Earn Programme wa sdang da ka Israeli Embassy ha Kathmandu heiwa ki khynnah lai ki cha Israel wow puræ wei wow kreh. U Bipin da em u chirup wa ki 16 ngut ki khynnah Nepal ha Kibbutz Alumim ha khappood Gaza.
Ha u Naichiphaw 2023, ka Hamas da hiar thma ko ya ka Kibbutz heiwa da yap 10 ngut ki khynnah Nepal, san ngut da mynsoo ki wei uwi da yut u katwa u Bipin wa uwi u nong Thailand da chah rahbor ki.
Ynne i step u sahep chipai ka Israel da pyntikna ki wa u Bipin Joshi, da yap u hadien wa ka Hamas da pynlait ko yei pyrtuid ki soo ngut kiwa da yap heipor wa chah kset wa kynthup ya u Guy Illouz, u Yossi Sharabi, u Bipin Joshi wa u Daniel Perez.
Mynnu e yei metyap ym pu em ong ki Hamas wei ym tip leh heiwon em i metyap.
Discussion about this post