Ka Indian Army ynnin ka 7 tarik da lehwarom ko ya u chipai yong ka, u Havildar Sunil Kumar Singh uwa da yap nei embynta ha ka Operation Sindoor heiwa hadien wa mynsoo u da chah sumaar u ha ka Command Hospital tangwa neidaw wa mynsoo joor u da yap noh u ha ka 6 tarik.
Ka White Knight Corps ka Indian Army da kynmoo warom ko ya u Havildar Sunil Kumar Singh uwa chlur uwa da e yei mynsien heipor ka Operation Sindoor hadien wa mynsoo joor u wei da chah sumaar u ha Command Hospital tangwa da khlaad noh u ha ka 6 tarik.
Da ong leh wa i chlur wei i pyndep u yei kaamram yong oo u neh i ha mynsien kiwa boon, deiwa pynrap wa ki chipai emlang ki wa ka yung ka sem yong oo ha kam kini ki por.
Kam wow kdaw heini, ki chipai ka India ha ka 7 tarik u Naisan da sdang ki ya ka Operation Sindoor wow dat Bomb ya ki ktem ki Terrorist kam ka Jaish-e-Mohammed (JeM), Lashkar-e-Taiba (LeT) wa Hizbul Mujahideen hapoh Pakistan wa ha Pakistan-Occupied Jammu and Kashmir (PoK).
Ini man i kam ka tput yeiwa chah siat yap ki 26 ngut ha Pahalgam ha ka 22 tarik u Naitung uni u snem.
Napyrdi ki Terrorist kiwa da yap toh u Rauf Azhar, uwa man u boo u Maulana Masood Azhar u heh ka JeM wa u Rauf Azhar uwa emkti wow Hijack ya ka lieñsuiñ IC-814.
Discussion about this post