Ha iwi i jia ya tyrrah kari hapyrdi ki ar tylli ki Truck wa thylli, da dooh yei mynsien ki soo ngut iwa da jia hei miet ka 9 tarik ha u sarok Shallang, West Khasi Hills.
Katkam ka khubor na ki pulit, da pyntip cha ki ya ini heipor 10:45 i miet wa da jia i ha 5 Kilo, heiwa ka Truck Four Wheel kawa ym em Number da hiar ko na ka luti wa riat yow lai ko cheiliang Shallang wei da tyrrah ko ya kawi ka Truck Four Wheel wa em Number ML08-B-2494 kawa thylli hi kawa da sied chapoh synrang.
Na kiwa yap dang ye wow tipmit du uwi donhi wa tip kam u Rahul Puwein (22 snem) uwa na Nongriangka, Shallang wei dang yaleh wow tipmit ya kiwi.
Ya ka Post-Mortem da pynman ha Riangdo CHC, wei yei metyap u Rahul Puwein da e kti cha kiwa ha-yung u wei ya kiwi ki le ngut ym pu em wa wan kam.
Neiliang ki pulit ka Shallang Police Station dang pynman ki yei takit yow chem yei daw wa jia ini.
Discussion about this post