U khlieh dooh ki chipai hapoh ka ri India, u Chief of Defence Staff, u Gen. Bipin Rawat deilang waka kurim u wa 11 ngut kiwi ki bru chipai da yap ki hadien wa ka Mi-17V5 Helicopter da haap ko ha ki loom wa em hajan ka chnong Coonoor, Tamil Nadu.
Na kini kiwa em hapoh ka Helicopter da lait im uwi uwa da kit cha Hospital yow yoh u yei sumaar.
U Gen. Rawat da man u leh uwa nyngkong dooh u Chief of Defence Staff ha u Duiyatra (Jan) 2019. Wei ini da wanrah ko ya ka Army, Navy wa Air Force hapoh u Gen. Rawat wa kynthup ya ki bynta ka Kashmir wa em hapoh i pait ka India.
Kani ka Helicopter toh kawa da mih na Sulur Army Base yow lai cha Wellington, i chnong wa jngai kamwa 100 Km heiwa u Rawat da mut u wow lai pait ya ka Defence Service Staff College.
Uwa lait im na ini i jia man u leh kam u Captain wa kreh ha kani ka College.
