Yap u khon u heh ka BJP heipor wa chna Reel deiwa pynemkaam da ka kari wa ka Scooty

U khynnah khynroo uwa dang 15 snem uwa man leh kam u khon u heh ka BJP Karnataka da yap u hadien i jia tyrrah kari ha Hubbali, Karnataka ha ka 19 tarik uni u bnai heipor wa riñ Video yow chna Reel.

Ini i Reel toh deiwa pynemkam da kawi ka kari Audi Q7 wa kawi ka Ola Electric Scooter deiwa yah yow yachem mar deikhmat deiwa pynhær bha wei yow khun cha rood chwa wow ya tyrrah.

Uni uwa yap toh uwa tip kam u Nameesh Sangalad uwa man u khon u Veerabhadrappa Sangalad uwa man kam u Politician ka thaaiñ Hubbali-Dharwad. U Nameesh toh uwa yah ya ka Electric Scooter kawa mantre da u Vinayak Miskin uwa na Hubballi hi wei heipor wa leh ini da emlang leh kiwi ki khynnah khynroo.

Kani ka Audi Q7 toh kawa da Register ha Noida, Uttar Pradesh wei da yah ka da uwi uwa dang hapoh 18 snem.

Ki pulit da pyntip ki wa u Nameesh toh uwa puræ Class-9 ha Mysuru wei da liwan yung u cha Hubbali yow lehkmen ya ka Ugadi ha ka 19 tarik wei da lai-ke u wa ki lok u yow chna Reel ha iwi i thaw wa em cha rood ka chnong Hubbali.

Related posts

Khut kreh ka DSEO ka West Jaintia Hills

March 22, 2026

48 kynta e por u Trump ya ka Iran yow wai ya ka Strait of Hormuz | Lym wai daw siat ya ki Power Plant ka Iran

March 22, 2026

U pa u Nameesh da booh ujor u ha ki pulit deiwa ong u da yah da uwa dang khian rta ya kani ka kari Audi hadooh wa yap u khon u. Ha ka ujor da ong leh wa da jia i heipor 4:30 haroh i janmiet ha i thaw wa rap langam wa tip kam i Shejawadkar Layout wei uwa yah ya ka kari da yah u deiwa khyrwait ya ka kari chibet cha timun chibet cha tidiang yow chna Reel wei da tyrrah u ya ka Electric Scooter wa yah u Nameesh kawa wan mar dei khmat.

U Nameesh da mynsoo u hei bynta i khlieh wa kjat wei da khlaad noh u pyn ha ini i thaw wa jia. Ki pulit da Register Case ki pyrchah ya uwa yah kari hapoh ka Section 105 ka BNS.

Neliang u N. Shashikumar, Police Commissioner ka Hubbali da ong u wa da pyrchang kini ki khynnah wow chna ya ka Action Brake Reel deiwa yah kari pynhær bha yow yachem mar dei khmat wei yow Brake chwa u ya tyrrah tangwa uwa yah ya kani ka kari Audi ym ye u u ksoh bait ya ka kari hadooh wa lai tyrrah ko ya ka Scooty wa yah u Nameesh.

Kani ka kari Audi toh kawa da Register ha Noida ha u snem 2013 wei da dai ka cha u bru uwa na Hubbali.