Yap uwa 18 snem wa kawa 17 snem kiwa chah tyrrah heipor wa lai luti da ka Scooty ha Golflink

U Superintendent of Police, u Vivek Syiem da pyntip u wa ki pulit da pynman ki yei thooh wa joor ya ka kari wa tyrrah ya kawi ka Scooty ynnin i miet ha ka thaaiñ Golflink.

Ha ini i jia, ki ar ngut kiwa da tip kam u Benjamin Shabong (18 snem) uwa na Mawpun wa ka Fabila Grace (17 snem) kawa na Pynthor da dooh noh ki yei mynsien.

U SP da pyntip u wa ki pulit mar ya tip yeiwa jia dapoi ki hei thaw wa jia wei da kit ya kini ki ar ngut cha Hospital wei da pynbna wa da yap noh ki kat u poi ha Shillong Civil Hospital.

Da ong u katkam ki dak ki chin wa da yoo, i bakla toh na uwa yah kari uwa da toh wow wan pyndem ha ki pulit tangwa ym em leh u kamtæ iwa mut wa bakla uwa yah kari.

Related posts

Kyrpaad ka HANM ya ka PNB wow booh ya ka kor ATM ha Ummulong

July 27, 2026

U pynlait na ka bai Registration wei u yarap ka sorkar Rs. 25,000 ya kiwa thied kari Electric ha Meghalaya

July 27, 2026

U Vivek da ong u leh wa ki pulit daw yang ki leh ya ka Post-Mortem Report yow pait lada kini ki ar ngut toh kiwa muaid kiad næ ym em heipor wa lai ki da ka Scooty.

Chooh chooh da pyntip u wa kiwa ha-yung ha-sem kini ki ar ngut da ujor FIR wei i thooh ya ka kari dang lai i chakhmat.