Yap uwa kynthiar chapoh ka thaw wa booh ya u khla

Uwi u bru da yap u hadien wa chah pynmynsoo ha uwi u khla wa em ha ka Yorkshire Wildlife Park, UK.

Ki pulit da pyntip ki ha ka 10 tarik uni u bnai heipor kamwa 1:35 i sngi da em uwi u bru uwa psiah chapoh i thaw booh ya u khla hapoh ka Yorkshire Wildlife Park. Mar ya tip yeini da wan ki bru wow yarap tangwa uni u bru da khlaad noh u hadien wa chah dait chah pynmynsoo ha u khla.

Ki bru wa sakhi yeini wa jia da ong ki u wa uni u bru ym yoo kam uwa rap biang wei yoo kamwa chrai u chwa wow kynthiar u chapoh kani ka thaw wa em uni u khla.

Katkam ki Video wa da booh ha ki Social Media da yoo ya uni u khla wa dait u ya uni u bru katwa uni u bru chong u ha khyndaw.

Related posts

Yap u nong India hei tyrrah ki Helicopter ha Nepal hajan Everest Base Camp

November 3, 2026

Wan ka Committee ka IOA wow pait ya ki thaw ha Shillong wa Jowai neibynta ka National Games

November 3, 2026

Neiliang kiwa pynlai ya kani ka Wildlife Park da tymmoh ki da ka tarpal ya kani ka thaw wa jia wei da khang leh ya ka nei wan ki paidbah ynnin wa ynne ka sngi.

Ki bru wa em heipor wa jia da pyntip ki wa da sñiaw ki leh kamwa em iwa pdung tangwa kiwa pynlai ya kani ka Wildlife Park da ong ki wym em jia iyi iyi ya u khla.