I takit yei chah tynyap wei chah ah lyngkhot ka Riya Talukdar Goswami ha Hatigaon, Guwahati da poi i chei wym poipyrkhat hadien wa uwa tynyap ya ka uwa man u kurim ko, u Ramanuj Goswami da nohyap u na u loom Narakasur katwa dang yah ya oo cha Gauhati Medical College and Hospital (GMCH).
Ini da jia i heipor 3:00 waje ynne i step katwa dang yah ya u Ramanuj cha GMCH heiwa da yoh u wow kynthiar napoh kari pulit wei da noh u na u Narakasur Hill.
Tangwa neiliang ka yung ka sem u Ramanuj ym em ngait ki yeini deiwa ong wa chah pynyap u ha ki pulit.
Em leh kiwa ong wa hadien wa yoh u Ramanuj wow kynthiar napoh kari da siat ya oo da ki pulit wei da yap u pyn ha ini i thaw.
Kam wow pynkynmoo wa u Ramanuj da wan pyndem u ha Hatigaon Police Station hadien wa tynyap u ya ka Riya.
Ka Riya da chah tynyap ko ha i yungwai ha Hatigaon wei ya i metyap ko da chem da ki pulit hadien wa pyntip ki jan yung wa mih i tung na yung ki.
Ki pulit da chem ki wa ka Riya da chah pam ko da ka wait, wei da chem ki yei pariam kti ko kamjooh i khlieh ko hapoh Plastic yeiwa da booh hapoh Fridge.
Discussion about this post