Yap uwi deiwa chah ksih ha ka rel heipor wa dang kreh

I leh khalær da ki bor wa pynlai ya ki rel da mih i ha Barauni Junction wa dang haap hapoh ka Sonpur Railway Division ha Bihar iwa da jia ha ka 9 tarik uni u bnai heiwa da dooh yei mynsien yong uwi u bru wa kreh ka chnat Railway.

Ini da jia i ha ka Platform Number 5, wei uni uwa yap toh uwa tip kam u Amar Kumar Rao uwa dang pynkhreh yow pyndait ya ka rel Lucknow-Barauni Express (15204) heiwa da khlaad noh u hadien wa chah ksih u hapyrdi ki Coach wa ka Engine kani ka rel.

Katkam ka khubor wa da yoh, da ong wa hawa kbai ya uwa yah ya ka Engine, da kynthiar pathan u wei kani ka Engine da lai ko khlem da em wa pynsangeh ka heiwa da chah pynbaad uni uwa yah wa em por hi u wow pynsangeh ya kani ka Engine yow lait u jia ini wei mar ya tip u wa jia ini, da yut u na ini i thaw.

U Amar da hiar u wow pynkhreh yow pyndait noh da kawi ka Engine ha kani ka rel deiwa pait u Mohammed Suleman kam u Pointsman uwa man i kaam yong oo wow pait ya ini yow lait u jia iyi iyi tangwa uwa yah ya ka Engine da lai u chadien khlem da yoh bor chwa heiwa ya kani ka Engine da pynyieñ ka rap chakhmat kani ka Coach.

Related posts

Da wai ya ka Meghalayan Age Pavilion ha Ward’s Lake yow kyrchaan ya kiwa seiñ khih ka wow man leh ka rynsan ya kiwa em yei sap i tap wa boon jait

October 13, 2026

Jop ka Krangpamradong, ka Amlari wa ka Evergreen ha ka 3rd Division, khlem em wa jop ha ka Super Division ka ASSA

October 13, 2026

Neiliang u Suleman da pynbaad bait u ya uwa yah Engine neibhah da randien u khlem da yoh Signal na oo.

Neiliang ka Railway Department da phah pynman ko yei takit.