Uwi u bru wa tip kam u Mosaid Ali (48 snem) uwa man kam u khon u Riyasad Ali uwa chong chnong ka Jamuna Moudanga Nagaom, Hojai District, Assam da yap u heipor wa kreh ha kawi ka krem tih mooyong wa em ha Umthe, Elaka Sutnga ka East Jaiñtia Hills.
Yeini da pyntikna leh da u SP ka East Jaiñtia Hills, u Vikash Kumar heiwa da khana u wa ini da jia i ha ka 14 tarik uni u bnai wei uni u bru da khlaad u pyn ha kani ka jooh ka sngi.
Ya uni u bru da rah cha Sutnga CHC yow chah sumaar heiwa katkam i rukom chitom uni u bru da antaad wa em iwa khia wa haap hajrong yong oo hadooh wa da kheiñ ki chyieñ chrooh wei da pai leh ki snier u.
U SP da pyntip u wa ki pulit da lai ki cha kani ka thaw yow khang ya kani ka thaw tih mooyong kawa man pyrchah ya ka aiñ.
Hawa kylli lada em kiwa chah kem, u SP da ong u wym pu em kem ya kiwon kiwon wei ka takit dang lai ko chakhmat yow tip lada kani ka thaw toh kawa dang tih thymme næ kawa da rim wei hadooh katwon ngut ki bru wa kreh heini.
Discussion about this post