Uwi u bru da dooh u yei mynsien hadien wa chah ban kawi ka kari Bolero ha kawi ka Truck kawa kit skum iwa da jia ha Rampur, Uttar Pradesh ynnin ka sngi wei yeini waroh da yoh wow riñ da ka CCTV ha i thaw wa tip kam ka Pahadi Gate Intersection u sarok Rampur-Nainital Highway.
Ha ini i Video da yoo wa kani ka Truck da wan ko rap nadien wei kani ka Bolero dang mut ko wow dong cha kawi tawon ka liang wei kani ka Truck da pyrchang ko wow yait ya kani ka Bolero heiwa da tyrrah ko ya u Divider wa em hapyrdi sarok wei da tyrrah ko leh ya kani ka Bolero wei ha ini i por kani ka Truck da kylla ko deiwa ban ya kani ka Bolero kawa da bi snap ha sarok wei da phlai leh waroh u skum wa kit ko.
Kani ka Bolero toh kawa pynemkaam da u Sub-Divisional Officer (SDO) ka Electricity Department wei hapoh da em du uwa yah kari donhi uwa da khlaad noh pyn ha ini hi i thaw. U SDO ym em u hapoh kari wei kani ka kari dang liwan ko hadien wa wan booh oo ha kawi ka Sub-Station.
Ya kani ka Truck da hap wow wan taad da ka Crane yow ye u sai ya kani ka Bolero.
Da iwa jia ini da pynsahkut ko leh ya ki kari da ki kynta ha kani ka thaw.
Discussion about this post