Uwi u bru da yap u hadien wa iñ ki ar tylli ki AC Coach ka rel Tatanagar-Ernakulam Express hajan Yalamanchili Station, Andhra Pradesh ynne i step synyaaw heipor kamwa 12:45.
Ki sahep na ka chnat Railways da ong ki wa em 82 ngut hapoh kawi ka Coach wa 76 ngut ha kiwi tawon heipor wa iñ ka rel.
Da suba wa i diñ da sdang i neidaw wa Overheat ki Brake wei uwa yah da pynsangeh u ya ka rel yow ye kiwa em hapoh wow mih cha lait wei i diñ da kyrooh smat i.
Tangwa ha ini wa jia uwi uwa 70 snem i rta ym em yoh u wow mih cha lait uwa chong hapoh ka B1 Coach heiwa da dooh noh yei mynsien u.
Hadien wa iñ kini ki Coach, kiwa kreh da looid ki ya ki khnang wow lai luti ka rel cha Ernakulam.
Neiliang ki pulit da ong ki wa da em ki Forensic Team wow sylli bniah ya ki Coach khnang wow ye u pyntikna yei daw wa sdang i diñ.
Discussion about this post