Ha iwi i jia wa phylla, uwi u bru wa 38 snem uwa tip kam u Ibrahim wa khut sin kam u Ejaz Ahmed Ansari da yap u hadien wa chah beh ha ki ksaw sarok ha Bhandariwad, Saiyedpura ka sorbah Surat ka Gujarat.
Ini da jia i ha ka 24 tarik u Naichiphaw heipor wa u Ibrahim dang liwan yung u hadien wa wan ngooh Blai heipor step.
Katkam i Video CCTV, u Ibrahim da yut u na ki ksaw wa em 6-7 tylli kiwa beh oo wei da oor u heiwa da mynsoo u na khlieh hadooh wa da mih snaam chapoh jabieñ wei wa chah ktah u thied budloom u.
Ya u Ibrahim da kit cha thaw sumaar tangwa da yap noh u hadien kattu katni sngi.
Neiliang ki paidbah da pynbaad ki ya ka Surat Municipal Board (SMB) wym em chimkhia ko wow pynduna yei boon kini ki ksaw wa khlem tre heiwa da ong ki leh wa da boon ki ujor wa da booh ha ka SMB wei lada lai cha ka SMIMER Hospital daw chem wa boon bha kiwa chah dait ha ki ksaw wei em leh kiwa poi chei yap.
Discussion about this post