Ynnin ka sngi ka Durga Puja kawa man leh ka lehkmen Vijaya Dashami ha Guwahati da yap noh uwi u khynroo hadien wa chah bom ha ki paidbah neidaw wa kyrpaad u wow tem ya ki sur u Zubeen Garg hapoh ka Durga Puja Pandal ha Bamunimaidam.
Ini da jia i ha Kalibari Jagriti Sangha Railway Colony Puja Pandal, heiwa uni u bru wa 26 snem wa tip kam u Avinash Rajak da kyrpaad u wow tem ya ki sur u Zubeen Garg katwa dang chaad u.
Kiwa sakhi yeini da ong wa kamwa 20-25 ngut ki khynroo hapoh i yahkhmat u Sujit Sarkar wa u Ratul Bora da bom ki ya u Avinash.
Ya u Avinash da kit cha KGMT Hospital ha Gitanagar tangwa da yap noh u hadien kattu katni por.
Ini i jia da wanrah i yei kynaad ha ka thaaiñ wei kiwa ha-yung u Avinash leh da ujor ki ha Chanmari Police Station, wei i takit dang man iwa lai chaphrang.
Discussion about this post