Yap uwi hadien wa pdung bomkala wa kit da ka Scooty

Uwi u bru da yap u wei da mynsoo 6 ngut kiwi hadien wa pdung ki bomkala chisien pdung ha Eluru District ka jylla Andhra Pradesh ynnin ka sngi heipor kamwa 12:17.

Ya kini ki bomkala (Bomb Churia) wa khlanbor bha da kit da kawi ka Scooty wa em ar ngut wa chong wei da lai ki na kawi ka luti khian yow poi cha ka sarok heh tangwa manda toh yooh ha iwi i thlu wa em ha sarok, syndet syndet da pdung kini ki bomkala wa khlanbor bha wei da mynsoo leh ki bru wa em hajan heipor wa jia ini.

Uwa yap ha ini wa jia toh uwa yah ya ka Scooty katwa uwa chong hadien da mynsoo u deilang ki bru wa em hajan.

Da suba wa heipor wa yooh kani ka Scooty ya i thlu, da ye u man wa hap kini ki Bomb cha khyndaw heiwa da pdung ki.

Related posts

Pynkhreh ka chnong Jowai wow pdiang sngi Christmas da ki pynriam wa harukom

December 23, 2024

Jop ka Wahsuka FC ya ka Mukhla Mission ha ka 5th Moodymmai Open To All Knockout Football Tournament

December 23, 2024

Uwa yap da tip kam u Sudhakar wei kiwa mynsoo toh u Tabelu Sai, u Suvara Shashi, u K Srinivasa Rao, u SK Khadar, u Suresh wa u Satish.

Ya ini waroh da yoh u riñ da ka CCTV wei hadien wa jia ini da yoo ya ki bru wa phet wa tymmooh yei chkoor ki.

Kiwi ki Scooty wa em chajan leh da chah ktah ki na ini wa pdung katwa ka Scooty wa pynemkaam kiwa kit bomkala da pra ko phrai.

Neiliang ki pulit da lai ki wut-wut cha ini i thaw wei da kit ya waroh cha Eluru Government Hospital.

Ya uni u bomkala wa tip leh kam u Onion Bomb toh u bomkala wa song wa kdoh da ki tylle churia wei da sariem dur u kam u piat uwa ood bha manda pdung wa khlanbor wa i pdung u Dynamite khian.