Yap uwi hadien wa ya tyrrah hapyrdi ka Alto waka Truck

Ynne i step synyaaw heipor kamwa 1:50 da em i jia ya tyrrah kari wa chyrkhei ha Umroi Nongrah, Ri-Bhoi District heiwa da khlaad noh uwi uwa yah Alto hadien wa chah tyrrah ha kawi ka Truck.

Kani ka Truck kawa em Number AS-01RC-3530 toh kawa yah da u Teining Parien na ka chnong Mowtyrchiah, West Jaiñtia Hills kawa kit Cement kawa wan na Lumshnong dei thmu wow lai cha Guwahati.

Tangwa manda poi ha Umroi Nongrah, Shillong Bypass da tyngkhooh ko mar dei khmat wa kawi ka kari Alto K10 kawa em ya u Number ML-05S-5217 wa yah da u Donald P Syiemlieh (25 snem), u khon ka Aitimon Syiemlieh uwa chong wa sah ha Demseiniong.

Ha ini wa jia, kani ka Alto da pra ko phrai nakhmat wei uwa yah ka da khlaad noh u neidaw wa joor wa mynsu wei ki pulit dang pynman ki yei takit.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026