Uwi u bru uwa na England uwa em 73 snem i rta da khlaad u wei da mynsoo palat 30 ngut ki bru hadien wa ka lieñsuiñ ka Singapore Airlines wa mih na London yow lai cha Singapore da tyngkhooh ko waka la’ær wa pynthut yei lai luti (Air Turbulence) iwa da jia ynne ka sngi.
Heipor wa tyngkhooh wa kani ka la’ær, kani ka lieñsuiñ da chah ngiah ko chapoh heiwa ki tiar ki tar kamjooh ki bru da chah kawang ki nei thaw wa em ki.
Hapoh kani ka lieñsuiñ da em 211 ngut ki bru wa 18 ngut kiwa pynlai ka kiwa da hap wow hiar noh ha Suvarnabhumi Airport, Bangkok yow yoh yei sumaar ya kiwa mynsoo.
Ha ini i por wa jia kani ka lienñsuiñ da haap ko da 6000 ft na iwa hær ko 37,000 ft cha 31,000 ft.
Kiwa mynsoo kiwa boon toh neibynta i khlieh kiwa tyngkhooh heipor wa jia ini wei ym em deiñ Seatbelt ki wei uwa khlaad da suba wa yoh Heart Attack u heini i por wa jia.
Discussion about this post