U Ishak Ali Khan Panna uwa jooh man kam u General Secretary ka Bangladesh Chhatra League kamjooh u dkhot ka Pirojpur District Awami League da khlaad noh u heipor wa mut u wow yut cha India.
Ini da jia i hei step ka 24 tarik heipor wa da yoh u wow psiah tooh chapoh Meghalaya.
Katkam wa khana kiwa ha-yung u Ishak, da psiah u cha Meghalaya lyngba ka Sylhet heiwa da tler u heipor wa ku loom wei da khlaad u neidaw wa yoh Heart Attack.
Tangwa em won kiwa da pynbaad wa siat ki BSF heipor wa psiah ki cha India hadooh wa poi cha ini wa jia.
Da pyntip leh deilang wa Ishak da emlang wa uwi uwa man leh kam uwa yahkhmat ka Central Committee ka Awami League uwa na Chittagong wa sa uwi won uwa yahkhmat ka Jgalakathi Chhatra League ha ini i por wa lai psiah ki cha Meghalaya.
Kam wow kdaw heini wa kani ka Awami League toh ka Party ka Sheikh Hasina kawa man kam ka Prime Minister ka Bangladesh kawa da hiar chuki noh wei da yut ko cha India wei kiwa boon na kiwa yahkhmat kani ka Party da yut da rieh ki nadooh wa mih i kynaad ha Bangladesh.
Discussion about this post