U Montri warim ka chnat Textile and Jute ka Bangladesh, u Golam Dastagir Gazi da chah kem u ynnin kam chibynta i kem ya ki heh sorkar warim yong ka Prime Minister ka ri, ka Sheikh Hasina kawa da yut na kani ka ri.
U Gazi toh uwa 76 snem wei da kem ya oo na Piergoli ka nongbah Dhaka.
Neiliang u Officer-in-Charge u Mollah Mohammad Khalid Hussain ka Paltan Police Station, da khana u wa ya u Gazi da chah kem u heipor 3:00 waje i step wei ki pulit ka Dhaka Metropolitan Police da kit ki ya oo cha Detective Branch (DB).
Heiyatoh wa ki kyndon aiñ wa da pynngat ya u Gazi ympu tip tangwa da suba wa da ngat u ha ki kyndon tynyap bru ya kiwa da pynngat pyrchah ki 105 ngut wa kynthup ya u Gazi wa ka Hasina ha Rupganj Police Station, Narayanganj.
Ya u Gazi da chah jied u kam u Member of Parliament na Rupganj-1 Constituency ha ka Election wa da man ha u Duyatra uni u snem na ka Awami League.
Nadooh wa haap ka sorkar ka Sheikh Hasina da chah kem boon ngut ki bru pawnaam ka Bangladesh nadooh u Salman F Rahman, u Montri warim ka chnat Law u Anisul Huq; u Montri warim ka chnat Social Welfare u Dipu Moni, u heh chipai u Major General Ziaul Ahsan wa kiwi.
Discussion about this post