Yap uwi nei chlai um ha Jorabat

I pteiñ i joor slap ha Jorabat ynnin i miet da pynchlai um i ya u NH-27 wa NH-6 heiwa da dap um ktieh kini ki sarok hadooh wa da yap uwi u bru wei da sahkut da ki spah tylli ki kari iwa da wanrah leh yei dooh nong kiwa boon ki dukan.

Ka khubor na Assam da ong ko wa ini da jia i nei wan i khyndaw rong soo na ki loom ka Meghalaya hadooh wa da sahkut ki dooid wei i chlai um da man hadooh wa da chah rah chah rong ki kari ha ka um.

Neiliang ki bru ka SDRF wa NDRF da kreh chitom ki waroh chi miet yow yarap sai ya ki bru wa sahkut.

Uwa yap toh uwa tip kam u Durga Sharma wei da jia ha i bynta ka 10^th Mile uwa na Hatigarh heiwa da chah rah u ha ka um heipor wa liwan yung u wei hadien wa chem yei metyap u da pynkit cha Gauhati Medical College & Hospital (GMCH) yow leh ya ka Post-Mortem.

Related posts

Lai sylli ka PAC yei pynkrehkaam ya ka MHIS ha ki thaw sumaar

November 17, 2025

Wym bien ka sorkar u klam che lada u su yei hok kiwa kreh Muster Roll, pynbna pynman dorbar bah ha Shillong

November 17, 2025

Kiwa lai luti kiwa da hap wow maad yeini da ong ki wa ki luti syngkieñ da man ki kam ka wah heiwa ka um dapoi ko hadooh rupai bru wei em leh kiwa da hap wow yimpa.

Ki dukan wa em ha ka thaaiñ 8^th, 9^th wa 10^th Mile toh kiwa da chlai um wei ki yung ki bru leh toh kiwa da chah ktah kamjooh.

Kiwa chong chnong da beiñ ki yei wym biang i rukom chna ya ki sarok katwa kiwi won da ong ki wa da jia ini neidaw wa joor i tih wei ah ya ki loom na Meghalaya khlem da em kiwa pait wei manda slap kit ka um yei khyndaw cha Assam.