Yap uwi u dkhot seiñ, mynsoo uwi wei chah kem le ngut | Kyntu u Conrad wow pynneh yei suk i saaiñ

Ynnin ka sngi heipor kamwa 2:00 waje, da em iwa jia ha Goalgaon kawa dang haap hapoh ka Rajabala Police Station, West Garo Hills heiwa u dkhot ka seiñ ACHIK uwa tip kam u Dilseng M. Sangma da yap u hadien wa chah dat ha ki bru wym tipmit heiwa da kit ya oo cha Bhaitbari CHC wei hadien won cha Tura Hospital heiwa da khlaad noh u ha luti.

Ha ini wa jia da em leh sa uwi uwa da mynsoo joor wei dang cha sumaar u kattæ.

Ini da jia i heipor wa ki dkhot ka seiñ ACHIK da lai hiar ki cha kawi ka paar tih moo heiwa da pynbaad wa da tih pyrchah aiñ tangwa da chah dat kylla ki heiwa da em leh i ya kawang moo wei chah dat da ki dieñ.

Hanla kiwa boon da yoh ki wow yut tangwa ki arngut da chah dat ki ha kini ki bru.

Related posts

Ngooid ka wah Ganga ya i Mandir wa 150 snem ha West Bengal

September 8, 2026

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Neiliang u Montri Rangbah ka jylla, u Conrad Sangma da beiñ u yeini wa jia deiwa phah ka khubor sñiawlem cha ka yung uwa yap wei i duwai cha uwa mynsoo yow yoh u dei chait i khiah.

Da pyntip u leh wa ki pulit da kem ki ya le ngut ki bru wei dang thooh ya kiwi kiwa emkti ha ini i kaam.

Chooh chooh da pyntip u wa da thung leh ya ka Peace Committee da u DC ka District wow emlang ki jaitbru na waroh ki liang.

Da kyntu u leh ya kiwa chong chnong wow pynneh yei suk i saaiñ khlem da wanrah yei sñiaw yaphær jaitbru wei wym toh u ngait ya ki khubor hamsaya.