Uwi u nong India da yap u heipor wa haap ki bynta u Missile ha Abu Dhabi, United Arab Emirates (UAE) ynnin ka sngi, wei wa ini i yap ki nong India ha ka thma Iran ha West Asia da ku i cha ki 7 ngut.
Da em leh le ngut kiwi tawon kiwa da mynsoo heipor wa haap ki bynta (Debris) u Missile wa chah tympdung (Intercepted) ha suiñ ha Sweihan Street ka sorbah Abu Dhabi, da ong ki heh sorkar ka UAE.
Ka Indian Embassy ha Abu Dhabi leh da pyntikna ko yeini deiwa phah ya i sñiawlem yeiwa yap u nong India heipor wa haap ki bynta u Missile ha Abu Dhabi.
Chirup wa uni u nong India da em leh u nong Pakistan uwa da yap ha ini i haap i bynta u Missile katwa uwi u nong Jordan wa India da mynsoo ki.
Ini man i ka sien wa nyngkong wa yap u nong India ha UAE nadooh wa sdang hiar thma ka Israel wa USA ya ka Iran ha ka 28 tarik u February.
Discussion about this post