Uwi u bru uwa 33 snem i rta uwa na Shiliangumdoh, Mawhati da yap u hadien wa da suba wa kynthiar u na ka yingkieñ Umiam kawa em hajan ka Fire Service Station ynne i step.
Uni uwa khlaad da tip kam u Aiboklang Mynsong uwa chong chnong ka Shiliangumdoh, Ri Bhoi District.
Katkam wa ong ki pulit, da suba wa u Aiboklang da pynkut u yei mynsien neidaw wa joor wa ban ka kjut ka chitom oo da slem wei dang ini wa dep da mih u napoh Hospital.
Kiwa ha-yung ha-sem u da thooh ki oo hadien wa mih u na yung dang step tangwa yei metyap u da chem na tre ka yingkieñ.
Yei metyap da lai sai da ki pulit ka Umiam Police Station deilang ki bru ka State Disaster Response Force (SDRF).
Hadien wa pyndep yeiwa emkaam, da e kti yei metyap u cha kiwa ha-yung ha-sem u yow pyndep ya ka niam ka rukom.
© 2026 WYRTA Khubor Hei Ktien Pnar
Discussion about this post