Ka chnat chipai Indian Air Force da sdang ko wow pynemkaam ya ki lieñsuiñ C-17 wa IL-76 wow kit ya ki kari wa kit ya ki la’ær Cryogenic Oxygen na Air Force Station Hindan cha Panagarh, West Bengal wow yarap yakhun ya ka khlam COVID-19.
Kam wow pynkynmoo heini u montri rangbahdooh ka ri, u Narendra Modi da khut yalang u ya ki montri rangbah ki 11 jylla wow booddien yei man i long wa i emkaam yong ki heiyatoh wa i yakhun ya ka khlam.
Ha ka yalang u Modi da ong u wa ka sorkar pyrdi yaleh ko katwa ye wow pynduna ya i por wa lai kit ya ki Oxygen khamtam heipor wa liwan thylli ki.
Heiyatoh wa ini da pynkrehkaam ya ka Indian Railways kawa da sdang ya ka Oxygen Express wei ka Indian Air Force leh da sdang ko wow yarap wow pynduna ya i por wa kit ya kini ki kari.
