Kam ha kini ki por wa jynjar ha chi tyllup ka pyrthai na i daw wa poor u khñiang khlam COVID-19, kamjooh leh ha ka ri yong i, kawa da man kawi na ka ri kawa da chah ktah ha uni u khñiang kjut heiwa kiwa boon ki paidbah kiwa sah cha nyngkyndong da chem chitom ki kammon wow yoh u sai poisa na ki Bank neidaw wym yoh de ki u mih na yung wei jngai leh ki Bank wa ki ATM. Katkam wa pyntip na ka sorkar India wa ha kam kini ki por wa ki bru toh u chong u e neh ki hapoh yung ha ki jar jiar ki chnong ki thaw wa em ki.
Deiwa em won ki Common Services Centre (CSC) kiwa em ha ki chnong wa cha palatsor ki wakreh kam ki Customer Service Point (CSP) da wai ki yaki khyrdop yong ki wow yarap ya ki paidbah ha kini ki por wow sai poisa na ki Bank Account yong ki kamjooh leh wow wai ya ki Saving Accounts ya kitu ki bru ki wym em Savings Account.
Ini da yarap ko chiboon bha yaki bru kiwa sah cha ki chnong wa jngai na ki Bank wa ki ATM khamtam hadien wa ka sorkar pyrdi da pynbna ko yaki Scheme waphær waphær kam ka Pradhan Mantri Garib Kalyan Yojana (PM-GKY), ka Scheme wa yarap ya kiwa dooh wa chitom kam ki warep, ya ki kynthai kiwa ym pu em Bank Account daw wai yaki hapoh ka Scheme Pradhan Mantri Jan Dhan Yojana ( PMJDY).
Da leh ya ini deiwa pyntikan leh wow bood yaki kyndon wow man kiwa lehkhooid khamtam yaki kti.
Neiliang yong ki CSC da pynsñiaw ki yei sñiawngooh wa khroo ya ki waheh chnong, ki pulit kiwa da yarap ya ki wow pynlai ya ka kaam khlem em i klumar.
Discussion about this post