Ka Khasi Students’ Union-War Jaiñtia Circle ha ka 28 tarik uni u bnai hapoh i yahkhmat u President u Laitphar Syngkrem wa u General Secretary u Lurman B. Talang wa ki kattu katni ki dkhot da lai ki wow e yarap ya kitu kiwa chong kset ha yung namo ka Home Quarantine hapoh War Jaiñtia.
Ka seiñ hadien wa da yoh khubor ko wa ha kini kiwa leh yaka Home Quarantine da chem chitom ki wow yoh marbaam, ka seiñ da i bor wa khian da lai ki wow e yarap cha kini kiwa hap wow chong ha yung deiwa e yaki marbaam ha ki waheh chnong wow pynpoi cha ki.
Ki chnong kiwa ka seiñ da ye ko wow lai saam toh ka Pdengshakap, Amjalong, Jong U Shen, Amsohtai, Mupyut, Amladkhur, Khonglah wa Ammutong kiwa da yoh yutip na ki Doctor yong waroh ki PHC, CHC wa Dispensary kiwa em hapoh ka thaaiñ.
Ka seiñ da e khublei ko ya waroh kitu kiwa chong Home Quarantine wa toh i leh chitom yong ki wow kdoh u khoom yow lait u poor uni u khñiang kjut, da kyrmen skem wow yoh ki yei chait na ini i yaleh wei da e khublei leh khamtam ya waroh ki Doctor kiwa da yaleh chitom wow pynche ya ki paidbah wa lum yukheiñ ya kitu kiwa wan na Bethany Hospital.
Ka seiñ da kyntu ko leh ya waroh ki paaid chong chnong ka War Jaiñtia wow sñiawbha ki wow man kiwa syndong ha kam kini ki por wei wow ya krehlang wa ki bor sorkar khnang wow man iwa jop yow lait na uni u khniang kjut COVID-19.
Kani toh katkam ka kyrwoh na u General Secretary u Lurman B. Talang.
Discussion about this post