Yarap poisa palat 4 lak ka NEEPCO yow chna madan ha Iooksi

Jowai : Ka North Eastern Electric Power Corporation Limited (NEEPCO) ka Company ka sorkar India ka wa chna wei wa pyllai ya ka Kupli Dam u pyllut ko T. 4,96,058 yow pynheh pynbha ya ka madan Mooblang wa em ha ka chnong Iooksi.

Kani ka Company da leh ko yeini kam chibynta ka Corporate Social Responsibility-Community Development Scheme yong u snem 2015-16 yow yarap ya ki chnong wa chah ktah deiwa em ka Dam Kupli.

Ya kani ka madan u pynheh ya ka yow kmai ko 64 meter wa i jrong ko u man i 100 meter yei bynta wow leh football katwa sa 2 meter daw ah khyndaw leh da ki thaw chnong waroh soo dong ka madan wei daw em leh ya ki dooid narood kani ka madan ki wow heh 0.5 meter.

Related posts

Psiah Final ka Amlarem Social Club ha ka 1st War Jaiñtia Invitation Football Tournament 2025

May 9, 2025

District Cricket League: Jop ka Evergreen Mukhla Mission ya ka Moodymmai

May 8, 2025

Neiliang ka KSU Iooksi Unit ong ki wa da smat u yoh ya kani ka poisa neidaw wa ki dkhot ka seiñ man i por jooh lai yachem ki wa ki heh ka NEEPCO.

Kamjooh leh sniawngooh ko ya ka NEEPCO wa ya ki wakreh yong ka ki wa yah luti ya ki wow yoh ya kani ka skhim.

Katkam i pyntip u President ka Seiñ, u Hamarbathmu Sutnga da ong wa i pynheh wei pynkreh ya kani ka madan lehke football da lai i chaid chaid wei yoo luti u pyndep smat noh ya ka.

Ka seiñ da pyntip ko kani toh ka sien wa nyngkong wa ka NEEPCO da yarap ko ya ki chnong wa em cha ka thaiñ Iooksi ha ki kaam pynroi nadooh wa sdang u chna ya ka Dam ha ka wah Kupli nadooh u snem 1973 ka wa tip kam ka Kupli Hydro Electric Project.