Yarap u MDC ka Musniang-Rngat u Phasmon Dkhar da ka yungskur thymme ya ka chnong Rngat

Jowai: U MDC ka Musniang-Rngat u Phasmon Dkhar ynne ka sngi da wai u ya ka yungskur wa thymme ka Molmarong LP School, Rngat wa da yarap chna u lyngba ka Special Assistance Scheme 2015-16.

Kani ka yungskur nachwa toh kawa da ka yung tin wei heipor wa joor u slap u phria da hap pyndam skur wa pai um wei da chem chitom bha ki khynnah skur.

Neini i daw u MDC da ong u wa chimkhia u ya ki kaam puræ puthi hapoh ka Constituency khamtam ki chnong nongkyndong kamtæ da e u da kani ka Scheme ya ka dong Molmarong wa em ha ka chnong Rngat.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ha kani ka yalang wai yungskur da emlang leh u Waheh Chnong wa rim, u Secretary chnong, ki waheh wasian ka chnong wei neiliang u Waheh Chnong da ong u wa sniawkmen bha u wa e yarap u MDC wei lada ym yoh ya ini i yarap ka skur ye ko u wiar neidaw wa ym yoh ya ka yungskur wa biang wow pynman skur wei katni da sniaw heh mynsien nadooh wa yoh ya kani ka yung skur wa thymme.

Neiliang ka chnong da kyrkhu ki ya u MDC wow nang kreh bha u neibynta ki paidbah wei wow lai u cha khmat dei kyrchaan ki paidbah.