Jowai : Ka All Jaiñtia Hills Social Welfare Organisation (AJHSWO) lyngba ka khubor wa da phah da u President yong ka seiñ u Ram Biam wa u General Secretary u Kynsaimon Susngi da yaroh ki ya u Deputy Commissioner ka West Jaiñtia Hills District u Arunkumar Kembhavi wa da chim khia u heiyatoh wa i yachem ka seiñ wa oo ha ka 22 Naiynru 2016.
Ha ini i yachem ka seiñ da kyntu ki wow pynsmat u pyllait poisa ya kiwa rep kiwa da chah ktah ha i bor ka rymaw ban (Natural Calamities) ha ki snem wa da dep.
Ha ini i yachem ka seiñ chirup ki warep wa u DC hei yatoh wa iwa jia ha ka 8 Naikhynde 2014 kiwa haap hapoh ka Thadlaskein C & RD Block, Laskein C & RD Block wa ka Amlarem C & RD Block wei da yoh lut ki ya ki myntoi na ka State Disaster Relief Fund Branch (SDRF) hadien arsnem.
Heijooh i por ka seiñ da e yaroh ko ya ki Block Development Officer kiwa haap hapoh ka West Jaiñtia Hills wa da chimkhia ki hei yatoh weini.
Discussion about this post