Yaroh ka BJP ya ka sorkar Meghalaya wa bien ko u ap yei tyrwa pynkylla yei rukom khut yaleh kreh ka MPSC

Ka sorkar jylla ha ki sngi wa dadep da bien ko u ap yei tyrwa ka BJP Meghalaya heiyatoh wa ka MPSC nadooh ki Exam, ki rukom pynkrehkaam wa ki kyndon krehkaam wa toh u pynkylla heiwa ka sorkar da jubab ko wow pyrkhat bniah yeini lada ye u leh. 

Heiyatoh wa ini ka BJP da e khublei wei da yaroh ko ya ka sorkar Meghalaya khamtam ya u Chief Minister, u Conrad Sangma wa bien ki wow pyrkhat ya i tyrwa ka Party. 

Neiliang ka BJP Meghalaya da tyrwa ko ya ka MPSC wow bood ya ka UPSC heiyatoh wa ka Exam heiwa ka UPSC chah ko ya kiwa dang pynkhreh yakhun ya ka Final Graduation Exam wow yaleh kreh tangwa heiyatoh wa ka MPSC hap ki wow pyndep chwa ya ka Graduation. 

Da ong wa ka UPSC toh kawa pynman Exam man-u-snem katwa ka MPSC toh katkam i lait kreh iwa pynbor ya ki khynroo khyllood wow chong da ki snem neidaw wa dooh laad ki wow yaleh kreh du neidaw wa dang yang Result Graduation khamtam lada lait kreh biang hadien boon snem.

Related posts

Sdang kdoh lama yong ki kari 108 Ambulance | Dawa ki wow chimkti noh da ka sorkar

July 1, 2026

Pynbna u DC ya ka sngi chuti kyrpang neibynta ka East Jaiñtia Hills

July 1, 2026

“Ya kini ki tyrwa da wan i na kiwa boon kiwa heh ka BJP kiwa jooh man kam ki sahep sorkar wa chemphang ha kini ki kaam heiwa da phah chithi ki cha u Chief Minister, wa kiwi ki Montri sorkar kamjooh ki heh ki chnat sorkar,” da ong u M. Kharkrang uwa man uwa e ktien ka BJP.

Chooh chooh da ong u wa ini pynyoo i yei kaam wa khroo wa leh ka BJP kam chibynta wow wanrah yei bha i miat hapoh ka jylla.