Ynne ka sngi ka seiñ JSM da thoh ko ya ka chithi cha ka sorkar jylla wow e i yaroh ya ka hajrong i tlot yong ka wow khang yei kyntoor pood ka sorkar Assam lyngba ka West Karbi Anglong District.
Ka seiñ da kdaw ko wa ha ka 26 Naitung ki bor District wa u SP ka West Jaiñtia Hills da thok ki deiwa kam wa da ye wow pynsangeh ya i kreh Border Outpost ka Assam ha chnong Saba tangwa ha kini ki sngi wa dadep da sakhi wa ka Assam dadep chna ko ya kani ka BoP.
Chooh chooh da kdaw ko wa ha Mukroh wa Khatkasla, ha ki chnong wa ka Assam thmu ko wow chna ya ki Police Outpost da man i iwa sepai hadien wa pyrchah ki paidbah wei ini da pynbor i ya ka sorkar jylla wow chimkhia ya ini wei da ye u pynsangeh ya ini i thmu tangwa ha Saba da man i mar dei kangtleiñ.
Da beiñ ko leh ya i chna Battalion Camp ka Assam ha Saitsama ha u 2019 heiwa ki bor District ka West Jaiñtia Hills ym em u leh ki katwa em wow khang yeini.
Hajrong ini waroh kam wow tymmoh ya ini i leh ka sorkar Assam, ka JSM da dawa ko wa hapoh ka 21 tarik uni u bnai ka jylla Meghalaya toh u chna ko ya ka Police Outpost ka MLP hajan ka BoP ki pulit ka Assam.
