U Montri Rangbah ka jylla, u Conrad Kongal Sangma da ong u wa u khoo wa da ksoh da ki pulit Assam ymtoh uwa na i bhah ka National Food Security Act (NFSA) cha ka jylla tangwa uni u khoo toh u yong ka Continental Milkose Pvt. Limited kawa man ka Company kawa pynbiang ya ki baam wa tei (Fortified Food) ya i doh i pran cha ka jylla lyngba ka Supplementary Nutrition Programme.
Da ong u wa kani ka Company dang dep pynpoi wot ko ya ki marbaam wa tei ya i doh i pran cha ka jylla neibynta u Naiynru deiwa pynrap wa i pynbaad wa da chem chi lak churia u khoo man ko kawa bakla neibhah wa u khoo em u 1604 Metric Ton iwa mut wa em du 33,000 churia.
U Conrad da ong chooh chooh u wow pynman kam i baam wa tei ya i doh i pran emkaam wow khleh lang wa kiwi ki jait baam wa kynthup leh ya u khoo, wei uni u khoo toh uwa kit bait na FCI, heiwa da ong u wa i pynbaad wa em i kaam baam-tooh toh iwa bakla.
