Yaroh ka KNGCSU yei ye ka sorkar wow pynlait na ka CUET wei e kyrchaan leh ya ka State University

Ka Kiang Nangbah Government College Students’ Union (KNGCSU) da pynsñiaw ko yei sñiawngooh ya ka sorkar pyrdi wa da pynlait ko ya ka jylla Meghalaya na ka Common University Entrance Test (CUET) neibynta ki Undergraduate la le snem kattu nadooh wa da sdang ya kani ka Exam.

Ka KNGSU da e yaroh ko leh ya ka sorkar Meghalaya kawa da kreh chitom hapoh i yahkhmat u Montri Rangbah, u Conrad K Sangma wa u Rakkam A Sangma kam u Montri ka chnat Puræ Puthi kiwa da ye wow pynkohngooh ya ka sorkar pyrdi wow pynlait biang ya ka jylla na ka CUET.

Hanla ha uni u snem da pynman ya ka CUET ha Meghalaya tangwa da kulmar i rukom pynman hadooh wa da pynkhuslai ya kiwa lai puræ puthi wei ini wa ye ka sorkar jylla wow paan na ka sorkar pyrdi wow pynlait biang na ka CUET-UG da yarap ko ya kiwa lai puræ. Kamtæ da yaroh ya ka sorkar yeini wa da leh ko iwa man i luti wa biang bha.

Neiliang ka KNGCSU da kyntu ko leh ya u Montri Rangbah kamjooh ka chnat puræ puthi wow pynkhreh bha ki ya ka CUET-UG ha u snem wow wan.

Related posts

Wan e ka Expert Committee ya ka Report hajrong ka Reservation Policy

June 13, 2025

U pynchitom ya kiwa pynman yakhih hajan ka Secretariat

June 13, 2025

Da pynsñiaw leh yei kyrchaan ya ka sorkar kawa da paan yow yoh noh yei tipmit na ka UGC neibynta ka State University iwa daw yarap leh ya kiwa lai puræ ka Meghalaya.

Da e daw leh wa ka NEHU ym ye ko wow pdiang ya waroh kitu kiwa kwah wow lai puræ ha kiwa boon ki jait wei deiwa em ka State University daw man ko ka laad wei ka kabu ksiar ya kitu kiwa thooh thaw puræ wei ini pynyoo ko leh wa ka sorkar kawa katni toh kawa tip u pyrkhat neibynta kitu kiwa lai puræ kiwa dooh wa duk.