Yaroh ka KSU Narpuh Circle ya ka MePDCL wa smat ko wow kylliang ya u chrot bordiñ wa chah tyrrah

Jowai: Ka KSU Narpuh Circle da pynsñiaw ko yei sñiawngooh ya ka chnat pynmih bordiñ ka jylla ka MePDCL kawa em ha Mowakhu, Khliehriat East Jaińtia Hills, kawa da chimkhia wow pynyieñ ya u chrot bordiñ uwa da chah tyrrah ynnin ka sngi ka 19 tarik ha Lumshnong.

Ya uni u chrot bordiñ da chah tyrrah u ha kawi ka truck kit phniang hadien wa kylla ko hajan ka Meghalaya Rural Bank, Lumshnong iwa da wanrah yei dooh bordiñ waroh chi miet ha ki thaaiñ Lumshnong.

Tangwa du hapoh chi sngi ka chnat bordiñ da chimkhia ko wow pynyieñ thymme da uwi won u chrot bordiñ wei ynne da yoh bordiñ, kamtæ ka seiñ da yaroh ko ya ka MePDCL yei kreh chitom ki.

Ini toh katkam wa pyntip u Deibormi Dkhar, General Secretary KSU Narpuh Circle.