Yaroh u Conrad Sangma ya ka DBCIC kawa wanrah ya waroh kawi thaaiñ mihsngi hapoh iwi i yung

Shillong: U montri rangbah ka jylla u Conrad Sangma ynnin heipor wa wan wai u ya ka “Natural Resources and Housing Pattern” yong ka Don Bosco Center for Indigenous Culture (DBCIC) da ban joor u yeiwa emkaam wow biang ki kot ki sla kiwa da thoh bniah yow yoh ki paidbah kam ki khynroo wow tip ki ya i tre i thied ka jaitbru yong ki.

Da ong u leh wa duna kiwa chimkhia ya ka dustur riti wow thoh u tar chaphang yong ka kamjooh wow ngam yillu ya kiwi ki jaitbru yong i.

“Lada pait ya waroh hi ki jaitbru wa em hapoh ka jylla ym em wa leh ya ini wow pynneh pynsah wei da pynkhuslai ko ya nga, ka Museum ka DBCIC da pynlang ko ya ki tiar ki tar kiwa boon ki jaitbru. Tangwa duna won ki bru kiwa pynman ya ka puræ wow thooh bniah chaphang ka dustur riti ki jaitbru ka thaaiñ mihsngi wei duna leh kiwa pynmih ya iwa chem ki.” Da ong u Conrad.

Da ong u leh wa heipor wa man u kam u MP na ri-loom Garo da phah u ya ka sorkar jylla wow sdang ya ki Research and Cultural Centre neibynta ki jaitbru Garo hapoh ka Garo Hills Autonomous District Council (GHADC).

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ki District Council i kaam yong ki toh wow pynneh pynsah ya ka dustur ka riti ka jaitbru wei daw sdang leh ya ka Centre for Cultural Research neibynta ki Garo yow tip ya ka parom ki jaitbru Garo.

Da yaroh u leh ya ka DBCIC ya ki kaam wa bha wa da leh ko yow wanrah ya waroh kawi thaaiñ mihsngi hapoh iwi i yung.