Shillong: U Director ka NEIGRIHMS, u Dr. D.M. Thappa da e yaroh u ya ki Doctor, ki Nurse wa kiwi ki wakreh kani ka thaw sumaar khamtam yei chakri yong ki heiyatoh wa ki 22 ngut kiwa mynsoo ha i oor ka bus ki BSF ha Umtyra, East Jaiñtia Hills.
Kani ka bus da oor ko ha ka 30 tarik ha iwi i synrang wa jrong kamwa 100 feet.
U Dr. Thappa da ong u wa mar yoh yutip yeiwa jia na kiwa pynlai kani ka thaw sumaar ki khlieh yong ki chnat (Department Heads) da pynkhreh ki wei kiwa mynsoo da sdang poi ki ha NEIGRIHMS Casualty nadooh 9:00 waje i miet.
Da ong u wa ki Doctor waroh chi miet da kreh ki wow sumaar ya kiwa mynsoo.
Na kiwa mynsoo, 3 ngut da pynthiah ha ICU, 5 ha Orthopaedics Ward, 3 ha Casualty, samen ha Neurosurgery, samen ha General Surgery ward, katwa kiwa tam won pynlait lut ya ki hadien wa yoh sumaar ki.
Neiliang u Director da lai pait u ya waroh kiwa chah sumaar chirup i synraan ki HoD Orthopaedics, HoD General Surgery wa Medical Superintendent.
Discussion about this post