Ka seiñ kiwa sikai skur ya kawa tip kam ka Jaiñtia Hills Lower Primary School Teachers’ Association ha kani ka 23 tarik da man ko ka sngi ka wow sah khana parom neibhah wa da ye wow booh ya u mooyurim wow chna ya ka yung krehkaam ka seiñ.
Ya uni u mooyurim da wan booh da u MP ka Shillong, u Vincent Pala ha ka 23 tarik uni u bnai hei emlang u MLA ka Jowai, u Wailadmiki Shylla, u MDC ka Jowai Central, u Andrew Shullai, u MDC ka Jowai North, u Brightstar Chyrmang, kiwa kitkaam wa ki dkhot ka seiñ wa kiwi kiwi.
Ha kani ka sngi da em ka yalang ya kawa da pynlai da u Lukas Jat uwa man u President ka seiñ.
Neiliang u Vincent hawa e yei klam da yaroh u ya kiwa sikai wa yatylli ki hadooh wa da ye ki wow thied ya i thaw wow chna ya kani ka yung krehkaam wei em u i burom wa khroo ya kiwa sikai neibhah kiwa sikai da saiñdur ki ya oo hadooh wa poi u ha kani ka kyrdan.
Da pynkut ya ka yalang ha kani ka sngi da ki kyntien khublei naka General Secretary ka seiñ, ka Serinda Rymbai.
