15 49.0138 8.38624 1 0 4000 1 https://wyrta.com 300 0
Advertisement ad1

Yasoi soskular ka MePDCL wa ka SBI yow pynsuk ya ki paidbah hawa su bill ki

0 Comments

Shillong: Kam chibynta wow pynlaibait yei rukom pyllang poisa na kiwa su bill bor diñ, ka Meghalaya Power Distribution Corporation Limited (MePDCL) da pynbna wa u sdang noh ko u krehlang wa ka State Bank of India (SBI) ka wow pait ya ka kaam poisa poilaiñ wei da dep ya soi soskular ha ka 28 u Naiynru 2017.

Ha ini i krehlang, ka SBI daw wan pyllang ko ya ki bill waka poisa wa su ki piadbah ha ki Collection Centres ka MePDCL wei u thap ko ya ka poisa cha ka Revenue Collection Account ka MePDCL wa em ha ki tnat ka SBI.

Ini i rukom krehkaam thymme toh yow suk u pyllai ya ka poisa ka MePDCL na ki thaw su ki paidbah yow smat ka poisa u poi cha ka MePDCL.

Ka soskular wa soi ha Lumjingshai, neiliang ka MePDCL da mihkhmat u K. N. War, Chief Engineer (Distribution) katwa neibynta ka SBI da wan u S. Tripathy, Asst. General Manager, SBI, hei emlang u P.S. Thangkhiew, Additional Chief Secretary and Chairman-cum-Managing Director, MeECL.

Advertisement ad1
Advertisement ad1

0 Comments

Leave a Reply