Ka District Level Science Seminar kawa da pynman hajrong ka phang “Artificial Intelligence: Potentials & Concerns” da pynman ha ka 29 tarik uni u bnai ha RMSA Government Secondary School, Jowai.
Ya kani ka Science Seminar da pynman da ka yung krehkaam ka DSEO, West Jaiñtia Hills District heiwa da chimbynta da ki khynnah na kiwa boon ki skur wa em hapoh ka District kiwa da klam ya chiboon i doohnong wei myntoi na kani ka stat Artificial Intelligence (AI).
Ya ki khynnah da bichaar da ka P. Passah, District Informatics Officer, NIC, u Roibok Pohrmen, e-District Manager IT Department, Khliehriat wa u T. Bamon, Lecturer Computer Science, Kiang Nangbah Government College, Jowai.
Neiliang u Deputy Commissioner, West Jaiñtia Hills District, u B.S. Sohliya hawa e yei klam kam u kongsan da ong u wa ka AI dadep wow sdang u pynemkaam nadooh ki por wa nachwa nadooh heipor wa chna ya u Atom Bomb wa kiwi de tangwa i pyrtuid AI wa da e da ki Scientist da bna naam i dang ha ini.
Da klam u leh yeiwa emkaam u chimkhia khamtam heiyatoh wa ka Global Warming wei deiwa pynemkaam dei stat AI daw ye wow chem ka laad ka luti.
Da pynchlur u leh ya ki khynnah skur wow pynemkaam ki yei buit i sap yong ki yow pynkylla dur ya ka pyrthai wa im i katni.
Da ya emlang leh ha kani ka sngi wa ka District School Education Officer, ka A.P. Syiem.
Yei jop ha kani ka sngi da lai cha u Gary Reuben Nongpluh na H K Singh Memorial Secondary School, Jowai, hei wa ar da yoh ka Embhah Mary Rymbai na St. Mary Mazzarello Girls Higher Secondary School, Jowai katwa hei wa le da yoh ka Lewakani Langbang na Clear Water Secondary School, Shangpung.
Discussion about this post