Yatai kiwa lai puræ Khad-Ar Dalloi Law College lada hoi u e laad ya kiwa chong patok wow thap Vote heipor Election

Ka yatai nia namo ka Debate da pynman ya ka ynne ka sngi da kiwa lai puræ ka Khad-Ar Dalloi Law College, Jowai hajrong ka phang “Prisoners in India should be allowed to cast their vote during election” iwa mut wa kiwa chong patok toh u e laad ya ki wow thap Vote ki heipor Election.

Ya kani ka Debate da chimbynta da kiwa lai puræ kani ka College yow pynsñiaw ya jar jiar ki buit ki budia heiyatoh wa kani ka phang wei da bichaar ya ka da ka B. Majaw, Secretary ka District Legal Service Authority (DLSA), West Jaiñtia Hills.

Da emlang ha kani ka sngi wa u N.A. Khan, District & Session Judge, West Jaiñtia Hills, uwa da ong wa kani ka phang toh kawa emkaam bha neibhah wa yatoh ko wa ka synchaar paidbah, ka riti synchaar kamjooh i kylla wamut ya kiwa chah kset. Kamtæ da pynchlur u ya ki khynnah wow man kiwa tip bha u pyrkhat ya ki nia kiwa chongkhia.

Neiliang kiwa chimbynta kiwa kyrchaan ya kani ka phang da wanrah wei da pynsñiaw ki ya jar jiar ki nia nadooh i hok kam kiwa chong chnong ha ka synchaar paidbah katwa kiwa pyrchah won da kdaw ki ya ki aiñ wa da khang yeini kamjooh i maa wa ye u mih deiwa chah u leh yeini.

Related posts

Yow lait u em kiwa pynthut ya ki Magistrate wa ki pulit, da pynkrehkaam da ka Section 163 ha thaaiñ Thangskoo

February 7, 2026

Pyndep ki 24 ngut ki khynnah ka Jaintia Eastern College yei chah sikai taan bordiñ

February 7, 2026

Yei naam jop da rah da ka liang wa pyrchah ya kani ka phang katwa yei naam Best Speaker da yoh da u E. Syngkon uwa na ka liang wa kyrchaan.

Ya kani ka Debate da pynlai da u F.B. Passah, Assistant Legal Defense Counsel wei ya ki kyntien khublei da yoh na u I. Khyriem, Principal Khad-Ar Dalloi Law College, Jowai.