Ka United Democratic Party (UDP) ynne da ong ko wa dang yatylli bha ko hapyrdi i suba wa em i yaphær yumut hapoh ka seiñ hadien wa kylliang ya ki chuki ki Montri sorkar.
U heh ka UDP uwa man leh u Minister, u Metbah Lyngdoh da kyntait u yei ong wa u Working President ka Party, u Paul Lyngdoh ye u wow mih na ka Party.
U Metbah da ong u leh wa ym man wow klam heiyatoh wa kiwi ki Party tangwa katkam wa man katni ymhoi u mutdur donhi deiwa pynrap wa ka UDP man ko kawa khlan wei yatylli.
Da kynmoo u ya u 2018 heiwa ka UDP da jop ko kajiak wei ha u 2023 da jop rap boon ko. Da ngaitskem u leh wa ha u 2028, ki paidbah daw chaniah chooh ki ya ka Party deiwa pynjop ya ka rap boon.
Heiyatoh wa ka Election cha GHADC ha u 2026, u Metbah da pynche u wa ka Committee ka UDP wa em ki heh na Garo Hills da kitkhlieh ki wow leh yeiwa emkaam khnang wow poi ka seiñ ha ka thong.
Discussion about this post