Yatyrrah ka Alto wa kawi ka Scooty ha Jowai

Jowai: Katkam wa pyntip ki pulit, ha ka 2 tarik uni u bnai heipor 9:00 waje i miet da em ka yatyrrah kari hapyrdi ka wi ka Maruti Alto wa em ya u number ML-04C-6561 wa yah da u Heibormul Lyngdoh (39 snem) wa kawi ka Scooty wa em ya u number ML-04C-4685 wa yah da u Krishna Kalita.

Ini da jia i ha New Hill Junction, Jowai heiwa da mynsoo uwa yah kari wa uwa yah Scooty wei da kit ya ki cha Civil Hospital wa Dr. Norman Tunnel Hospital, Jowai.

Ha kani ka jooh ka sngi kawi ka SPTS Bus wa em ya u number ML-01-6892 wa yah da u Balawan Lyngdoh da yooh ko ya uwi u khynnah wa dang 12 snem heipor wa mut u u hiar na kani ka Bus ha Paltan Bazar, Shillong wei da kit ya oo cha Civil Hospital Shillong.