Ka Director General of Police (DGP) ka jylla, ka Idashisha Nongrang da ong ko wa i eh yong ki paidbah ka chnong Lapangap toh iwa chongnia heiwa da chah pynthut i rep i riang yong ki.
Hawa klam ynne ka sngi, ka DGP da ong ko da wan toor kiwa chong chnong ka Lapangap ynnin ka sngi cha Shillong wei neiliang ka chnat pulit da chim ki ya ka laad ka luti kawa bha yow e yarap ya ki heiwa da phah ya ki pulit SF-10 chi Platoon najrong kiwa da em chwa wei lada emkaam ye u phah chooh chooh.
Da ong ko leh wa lada emkaam, ki pulit ka Meghalaya ye ki wow lai booh ya ka Camp neibhah wa ka Assam da ong ko wow pynneh ya ka Status Quo tangwa ki booh bait ki ya ka Police Camp wei i rukom man kattæ da dawa ko ya ki pulit ka jylla Meghalaya wow lai booh ya ka Camp cha katai ka thaw wa em ha khap wa ka Assam.
Kam wow pynkynmoo wa ynni ka sngi, ki paidbah ka Lapangap da wan toor ki cha ka Secretariat, Shillong yow dawa na ka sorkar wow e yei chngaaiñ khlem pynslem de neidaw wa chah pyndik ki man-i-por ha ki bru na Assam kiwa da pynsih yeiwa thung wa tep ki.
Discussion about this post