Jowai: Ka Jaiñtia Students Union-Mynso Unit hei emlang u Working President ka seiñ u Lawyerson War ynne ka sngi da lai pait ko ya ka yingkieñ hajrong ka wah Myntang kawa em ha chnong Mynso ya kawa tip kam ka Pasyih-Mynso-Mookynchian Road.
“Kani ka yingkieñ man ko kam ka budloom kawa pynyabi ya kiwa boon ki chnong kam ka Samatan, Shilliang Myntang, Thangrain, Barato wa kiwi kiwi” da ong ka seiñ.
Da ong ko wa heipor wa lai sylli ko ya u sarok da em ki truck wa kit palat pood iwa booh yei ma ya kani ka yingkieñ neibhah wa heiwon iwon i por ye ko u kheiñ.
Kamtæ ka seiñ da chim ko ya ka rai wow khang ya waroh ki truck wa kit palat pood wow lai na kani ka yingkieñ neibynta wow yada ya ka, kawa man ka luti i roi i paar kiwa boon ki chnong.
Kani toh katkam ka khubor katkam wa phah da u publicity secretary ka seiñ u C.B Lamare.
Discussion about this post