Shillong: U Montri Rangbah ka jylla, u Conrad K Sangma da pyntip u wa u Montri Kaam Pohyung ka ri India, u Amit Shah ye u wow wan poi cha Shillong ha ka 23 tarik uni u bnai wow chimbynta ha ka yalang yong ka NEC, wei da pyntip u leh wa ha ini i wan, neiliang ka sorkar da pynkhreh ko wow rah yei yaklam wow dawa Inner Line Permit hapoh ka jylla.
Hawa yatoh wa i yakhih ki seiñbhalang wow dawa pynkrehkaam noh ya ka ILP, u Conrad da ong u wa ka sorkar jylla hadien wa ka da mynjur ko ya ka rai (Resolution), da pteiñ ko wow tia chakhmat wow pynkohngooh ya ka sorkar India wow pynkrehkaam ya ka ILP.
Da ong u leh wa emkaam chiboon ki yaklam hajrong ini i bynta wei ka sorkar jylla ka dang yang ko leh ya i jubab na ka sorkar pyrdi.
