Ye u chah ktah ka um wa saam ha ka sor Jowai

Jowai : Ki bor ka sorkar dei langær jooh e hukum ko wow mana ya ki paidbah u tih moo tih chyiap na ki wah khamtam na wah Myntdu.

Ynne da yoh u sakhi ya kawi ka Truck Shaktiman kawa em yow number ML 04 C 0434 kawa tih chyiap na chibynta ka wah Myntdu ha Treiongriang wa em ha sarok Jowai Amlarem.

Yeini i kaam da leh da uwi u bru yowa da tip kam u Treibormi Nanglein wa kam u wa oo toh na ka chnong Pynthor Langtein wei chirup wa oo da em lang 5 ngut kiwi ki bru.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kiwa khwe wa em heini i thaw da ong ki wa man ka sngi em ki truck Shaktiman wa kit chyiap neini i thaw wei ha ka chisngi da em bait 3-4 truck kiwa wan kit chyiap na tymbud ka wah Mynkrem leh kkamjooh.

Hei yaklam u Wyrta wa uni u bru da ong u wa yowni u chyiap da kit yow pynemkaam u ha yung wei ym jooh kit u man ka sngi. Tangwa hadien wa mih ki neini i thaw ka tai ka Shaktiman da lai ko cha Jowai ymtoh cha Pynthor Langtein kamwa kaam u Treibormi.

Heiyatoh wa ini neiliang u DC ka West Jaiñtia Hills da kular u wow chimkhia yeini khnang yow yada yei rukom man ka um yong kani ka wah kawa pynemkaam yow saam um cha ka chnong Jowai.

Heijooh i por ki yung kasari ha ka ri India dei langær e hukum ki wow mana yei tih moo tih chyiap na ki um ki wah, yooluti heini ki bor ka District leh u chimkhia ki yeini khnang yow da yei man i long ka um ka wah Myntdu.