Ye u chah pyndam ka license saam gas ki ar agency hapoh Jowai

Jowai : Ha u bnai Khonchonglad 2016 u DC ka West Jaiñtia Hills da pynman u ya yalang ha pyrdi ka M/s Ripnar Gas Agency wa ka M/s Rymbai Gas Agency yow phah pynpoi ya ki kum gas cha manla ki thlu yung wei da e por ya ki u leh yeini nadooh wa sdang u snem 2017.

Ha kani ka yalang da epor ya kiwa dai gas ar bnai wow thied kari khian ki khnang wow ye ki u psiah cha ki kdong ki chmiang yow pynpoi ya ki tadong gas cha ki chnong wa em hapoh Jowai.

U DC hei boodien u yeini da pyntip u wa ki gas agency wa da pynkhreh ki u thied ya ki kari katkam wa da kular ki u leh.

Tangwa da chem wa da kut chibnai yong u snem thymme ya ki kum gas dang saam hi cha sarok wei ka poisa bai Home Delivery leh da chim ki ka.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U DC ong u wa ini i chim kabu ki Gas Agency deiwa kheiñdor ya ki bai kum gas chirup wa ka Home Delivery da yoh nong ki da ki lak tynga iwa pynman won i doohnong wa khroo ya ki paidbah.

Kamtæ neiliang ka Indian Oil Corporation da phah chithi ko cha kini ki ar tylli ki gas agency yow pynche yei daw wym bood ki katkam ka LPG Marketing Discipline Guidelines 2015 heiwa ka Ripnar Gas Agency ym ye ko u e i jubab wa biang katwa ka Rymbai Gas Agency won ym em tang u jubab ko.

Hadien ini ka IOC da rai ko wow daiñ kuna T. 25,000 ya ka Ripnar Gas Agency katwa T. 54,000 ya ka Rymbai Gas Agency iwa man kamwa 20% na ka bai commission ki man u bnai.

Da pyntip leh wa lada pteiñ ki u tyngkheiñ ya ka aiñ i bai kuna u ku i cha 25% wei lada chem wa leh ki yeini daw pynku cha 40% wei ha ka sien wa 4 won daw pyndam noh ya ka license yong ki.

Ka tarik wa khadooh ya ki wow pynkreh kaam ki ya ka hukum toh 28 Thohlakhmi (February) 2017.

Also Read: Iwa emkaam u tip ya ka rai na ka yalang hei yatoh wa ki Kum LPG